Në gjashtë vitet e krijimit të saj shkolla jonë ka organizuar aktivitete të shumta zbavitëse dhe kulturore me nxënësit dhe dashamirësit e shkollës. Synimi ynë ka qenë që duke u argëtuar të krijojmë një atmosferë ku nxënësit emigrantë vinë më pranë njeri tjetrit dhe krijojnë besim e respekt reciprok. Shumë shoqëri e miqësi lindën dhe mbahen deri më sot gjallë nga këto aktivitete.
Një synim tjetër po kaq i rëndësishëm është që nëpërmjet këtyre aktiviteteve kulturore të ruajmë identitetin tonë por dhe të njohim sa më mirë historinë dhe kulturën e popullit Helen për tu integruar në këtë shoqëri me dinjitet dhe me vlerat që trashëgojmë nga atdheu ynë.
Shkurtimisht po përmendim:

• Kokteil Parti në mjediset e shkollës, Maj 2005
• Ceremoninë e diplomimit të nxënësve të parë të shkollës në Hotel Titania, në Qershor të vitit 2005, që u pasua me një bufe të pasur në mjediset e këtij Hoteli.
• Kokteil në mjediset e shkollës me rastin e një vjetorit të shkollës, 3 Shkurt 2006.
• Mbrëmje festive për festat e Majit, Maj 2006
• Ekskursion me 120 nxënës të shkollës në qytetin turistik të Nafplios, Qershor 2006
• Mbrëmje festive për festat e vitit të ri, 1 Janar 2007
• Pritje festive në mjediset e shkollës me rastin e dy vjetorit të shkollës, 3 Shkurt 2007
• Ekskursion me 190 nxënës të shkollës në Delfi dhe drekë festive. Korrik 2007
• Pjesëmarrje në Festivalin Ndërkombëtar të Përrallës në Porto Rafti me grupin teatral të fëmijëve të shkollës.
• Ekskursion në Epidhavro. Qershor 2008
• Trevjetori i Shkollës – Mbrëmje festive Shkurt 2008 – Salla e Pritjeve «To Agrino»
• Ekskursion në Delfi – 200 veta, 4 autobuza. Qershor 2007
• Përurimi i Mjediseve të reja të shkollës. Janar 2009
• Katërvjetori i Shkollës – Mbrëmje festive Shkurt 2009 – Salla e Pritjeve «To Agrino»
• Festivali i Kombeve organizuar nga UNESKO dhe vlerësimi me Diplomën e prezantimit me dinjitet në kioskën e Shqipërisë. Tetor 2009
• Vlerësimi i z. Lorenc Koka me Titullin “Biznesmeni i vitit për kontribut në ndihmë të komunitetit” nga Bashkia e Athinës dhe Dhoma e Tregtisë dhe Industrisë në Athinë. Nëntor 2009
• Pesëvjetori i Shkollës – Mbrëmje festive Shkurt 2010 – Salla e Pritjeve «To Agrino»
• Ekskursion një ditor në Kalavrita më 2 maj 2010, tre autobusë me 160 emigrantë
• Veprimtari në librarinë Public në sheshin Sintagma, me temë “Letërsia Shqipe për Fëmijë” në bashkëpunim me ambasadën në Athinë me rastin e mbylljes të vitit Shkollor 2009-2010.