Shkolla “BestXpert”, është një qendër Trajnimi në gjuhën shqipe për emigrantët shqiptarë në Athinë.
Është shkolla e parë private shqiptare në Greqi ku flitet dhe mësohen në gjuhën shqipe, me pronar dhe me stafin shqiptar. Ndaj dhe me të drejtë komuniteti shqiptar në Greqi e quan “Shkolla Shqiptare e Athinës”. Është një emër që e meriton me plotë gojën. Historia dhe aktiviteti shumëvjeçar i kësaj shkolle e dëshmojnë këtë më së miri.
U krijua më datën 3 Shkurt 2005 si qendër informatike dhe vazhdon të ofrojë shërbime të vyera për komunitetin shqiptar në Athinë dhe më tej. Në këtë shkollë kanë mësuar informatikë dhe Anglisht mbi 500 emigrantë, fëmijë e të rritur, punëtor e intelektual.
Ofron kurse për mësimin e kompjuterit, Anglisht, Greqisht dhe organizon falas kurse për mësimin e Gjuhës Shqipe për fëmijët e emigrantëve shqiptarë. Në kurset e gjuhës shqipe të cilat ofrohen falas kanë mësuar dhe mësojnë mbi 300 fëmijë, në vitin shkollor 2010-2011 janë regjistruar dhe po mësojnë 46 fëmijë në klasën e parë, 15 fëmijë në klasën e dytë dhe 20 fëmijë në klasën e tretë.
Tashmë shkolla është miratuar nga organizmat ECDL Hellas dhe KeyCert si qendër zyrtare trajnimi dhe testimi i Certifikatës për kompjuter ECDL dhe KezCert dhe për programet mësimore ECDL ForKids, një program tepër ambicioz për mësimin e kompjuterit për fëmijët nga klasa e parë deri në klasën e gjashtë fillore.
Sot shkolla zotëron mjedise të reja e të bollshme, laboratorë kompjuterikë dhe klasa moderne. Sot shkolla ofron shërbime që konkurrojnë me dinjitet shkollat greke të të njëjtit lloj. Sot më shumë se kurrë shkolla jonë pret bashkëkombësit ta preferojnë dhe të regjistrohen në kurset që ne ofrojmë.
Në fund të fundit, ne guxuam dhe krijuam këtë shkollë, por nëse kjo shkollë do të vazhdojë të mbijetojë dhe të jetë një shkollë shqiptare kjo varet tërësisht nga mbështetja dhe preferenca që komuniteti shqiptarë në Greqi do t’i japë.

Në dyqanin BestXpert do të gjeni shumëllojshmëri produktesh elektronike me çmimet më konkurruese dhe shërbim tepër profesional, si dhe mirëmbajtje dhe rregullime kompjuterësh (shiko faqen përkatëse).

Vazhdimisht shkolla ka organizuar dhe organizon aktivitete të shumta kulturore dhe argëtuese me nxënësit dhe dashamirësit e shkollës. Këto aktivitete kanë ndihmuar nxënësit emigrant të njihen më mirë njeri tjetrin dhe të zbaviten në mënyrë të kulturuar. Gjithashtu kanë ndihmuar në ruajtjen e gjuhës, traditave dhe zakoneve të origjinës, por edhe të njihen me kulturën dhe historinë e vendit pritës.(shiko faqen përkatëse).